• BENVIDOS Ó BLOG DE RAFA QUINTÍA

  • SOBRE O AUTOR

  • © Fotografías blog: Rafa Quintía

  • A LINGUAXE DAS CAMPÁS. ETNOGRAFÍA DOS SINOS

  • MARIÑA: DE DEUSA A SANTA

  • MONTE DAS CROAS: ANTROPOLOXÍA DUN CASTRO

  • ANÁLISE ESTRUTURAL E SIMBÓLICA DO MITO DA MOURA

  • LA HISTORIA DE GALICIA EN 50 LUGARES

  • USO SIMBÓLICO DO CUARZO NA CULTURA GALEGA. Aspectos etnográficos e arqueolóxicos

  • PATRIMONIO INMATERIAL DE SAN MARTIÑO DE SALCEDO

  • ALICORNIO. O PODER DO CORNO DE UNICORNIO NA MEDICINA TRADICIONAL GALEGA

  • A NOSA SEÑORA DA LANZADA. Estudio antropológico de un santuario costero.

  • PARA CANTAR VEÑO EU! Unha viaxe pola cultura musical galega da man dos Chichisos

  • DE VELLO, GAITEIRO! Biografía do grupo de música tradicional Os Chichisos

  • DEUSES, MITOS E RITOS DO MONTE DO SEIXO. Unha proposta interpretativa en clave céltica.

  • Á SOMBRA DE BOUZA PANDA. Poemario de trincheira e maldizer

  • MADAMAS E GALÁNS. HISTORIA DO ENTROIDO DE COBRES

  • MUÍÑOS, A MEMORIA DA AUGA.

  • Documental “SETE CAMIÑOS. ENCRUCILLADA DO TEMPO”

  • Documental “COMUNEIROS. Cen anos de vida e loita polo monte de Salcedo”

  • Documental “Monte do Seixo. A Montaña Máxica”.

  • Curtametraxe documental “NOITE DE REIS COS CHICHISOS”

  • A PEDRA DO FUNDAMENTO

  • “FEITO NA CASA”

  • “FOL DE VELENO. Anuario de Antropoloxía e Historia de Galiza”. Nº6

  • “FOL DE VELENO. Anuario de Antropoloxía e Historia de Galiza”. Nº5

  • “FOL DE VELENO. Anuario de Antropoloxía e Historia de Galiza”. Nº4

  • “FOL DE VELENO. Anuario de Antropoloxía e Historia de Galiza”. Nº3

  • “FOL DE VELENO. Anuario de Antropoloxía e Historia de Galiza”. Nº2

  • “FOL DE VELENO. Revista de Etnografía e Historia de Galiza”. Nº1

  • ALBIÓN GALAICA

  • “GALICIA ENCANTADA: O país das mil e unha marabillas”

  • “OS MOUROS E AS MOURAS: MÁXICOS ENIGMÁTICOS DA MITOLOXÍA POPULAR”. Actas das V Xornadas de literartura de tradición oral.

  • POEMARIO DOS GAFOS. Obra colectiva.

  • CATÁLOGO-GUÍA do Espazo Natural e Arqueolóxico dos Sete Camiños

  • AS PONTES DE PONTEVEDRA. Libro da exposición do mesmo nome. (Obra colectiva)

  • ATAS DAS JORNADAS DA LITERATURA GALAICO-PORTUGUESA 2012-2014

  • ACTAS DAS II XORNADAS SOBRE O ENTROIDO DE GALIZA

  • ACTAS DAS I XORNADAS SOBRE O ENTROIDO DE GALIZA

  • ENTRADAS POR ORDE CRONOLÓXICA

  • CONTADOR

    • 117,232 hits
  • Follow Á Sombra de Bouza Panda on WordPress.com

O ETNOMUSEO DOS POBOS DE SIBERIA E O LABOR DA ANTROPÓLOGA CARMEN ARNAU MURO

A semana pasada tiven a sorte de coñecer en persoa á antropóloga Carmen Arnau Muro xa que viaxei ata Toledo para entrevistarse con ela, coñecer de primeira man o seu traballo de investigación e visita-lo seu museo etnográfico e o seu  etnomuseo sobre os pobos indíxenas siberianos.

Carmen Arnau Muro (Polán, 1949) é licenciada en Xeografía e Historia e licenciada en Antropoloxía. O seu traballo de investigación antropolóxica centrouse no estudo dos pobos indíxenas de Siberia. Con 18 expedicións a Siberia realizadas dende o ano 1997, hoxe en día está considerada unha das maiores especialista nestas etnias, no chamanismo siberiano e a primeira antropóloga occidental que conviviu longas tempadas cos pobos da taiga siberiana, sobre todo cos chorses, nas montañas de Choria.

Carmen Arnau, cuxo admirable traballo sempre realizou en solitario e sen ningún tipo de axuda ou finanzamento das administracións ou das institucións académicas é, asemade, a fundadora do ETNOMUSEO DE LOS PUEBLOS INDÍGENAS DE SIBERIA, na localidade toledana de Las Ventas con Peña Aguilera,  e do MUSEO ETNOGRÁFICO de Polán. Estes proxectos, realizados ó amparo da súa fundación  (Fundación Carmen Arnau Muro) e do seu Centro de Investigación de los Pueblos Indígenas Siberianos.

 

O Etnomuseo dos pobos siberianos amosa, a parte dunha interesante colección de obxectos etnográficos destes pobos,  varios exemplos dos distintos tipos de construcións tradicionais das etnias destas rexións siberianas.

Por agora, o visitante pode ver, entre outras construcións,  unha yurta de madeira, un establo para o gando, unha sauna ou bania de troncos, varias chum de coido e paus e  un balagan, vivenda típica de Yakutia.

 

Yurta

Bania

Chum

Balagan

En canto ó museo etnográfico, o visitante poderá gozar dunha importante mostra de traxes tradicionais siberianos, de instrumentos musicais, artesanía indíxena, obxectos de uso doméstico, adobíos persoais e amuletos,  obxectos usados polos chamáns, así como dunha interesante exposición fotográfica,  material audiovisual e bibliografía especializada nestas comunidades indíxenas.

Como se pode ver, o traballo desinteresado (e totalmente autofinanciado) de Carmen Arnau na súa teima por coñecer e dar a coñecer estes pobos para así garanti-la supervivencia e respecto das súas culturas tradicionais é un claro exemplo de cómo a iniciativa e o traballo individual pode deixar en evidencia a pasividade, inoperancia, falla de sensibilidade e deixamento de funcións de moitas das nosas administracións públicas e institucións académicas e culturais cuxo motivo de existir é precisamente o fomento e a divulgación da investigación histórica e cultural.

Por suposto, as institucións rusas tampouco teñen o máis mínimo interese en que se coñezan estes pobos e se conserven e respecten as súas linguas, culturas e tradicións, máis ben o contrario, e o proceso de colonización cultural e perda de identidade e lingua avanza inexorablemente. Por desgraza, todo indica que os pobos indíxenas non teñen cabida no novo mundo global e capitalista.

 

Dende aquí, quero agradecerlle a Carmen e ó seu marido a súa amabilidade e hospitalidade amosada conmigo, que só pode nacer de quen ama e cre no seu traballo. Tamén quero  felicitala públicamente polo seu tenaz labor a prol da investigación e divulgación da cultura dos pobos indíxenas de Siberia e animar a todo aquel que lle interese a antropoloxía e a cultura dos pobos indíxenas a que visite o seu etnomuseo e o seu museo etnográfico, certo estou de que ben lles merecerá a pena a viaxe. Por suposto, tamén recomendo a lectura de calqueira dos moitos traballos publicados por Carmen, entre eles os libros “Los chorses: un pueblo de la taiga de Siberia” ou “Chamanismo entre los chorses de Siberia”.  MOITAS GRAZAS, CARMEN.

MÁIS INFORMACIÓN:

PÁXINA WEB DE CARMEN ARNAU MURO:

http://www.carmenarnaumuro.com

PÁXINA WEB DO ETNOMUSEO DOS POBOS INDÍXENAS DE SIBERIA:

http://www.etnomuseosiberia.org/

PÁXINA WEB DA FUNDACIÓN CARMEN ARNAU MURO:

www.fundacioncarmenarnau.org

 

VIDEO SOBRE O TRABALLO DE CARMEN ARNAU MURO:

Advertisements

2 Respostas

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: