Monthly Archives: Xuño 2015

REPORTAXE SOBRE O DISCO DOS CHICHISOS

Esta semana o Diario de Pontevedra dedícanos aos Chichisos e ao noso recente traballo discográfico  unha ampla reportaxe onde, a tratvés dunha entrevista que me fan, percorremos a historia da agrupación e falamos de como se fragou o noso disco “Feito na casa” .

escanear0001escanear0002

CRÓNICA XORNALÍSTICA DA INAUGURACIÓN DOS SETE CAMIÑOS

11402765_1076600879035708_1667630955595726334_o

O pasado domingo inauguramos o “Espazo natural e Artqueolóxico dos Sete Camiños” cunha multitudinaria andaina na que visitamos algúns dos elementos arqueolóxicos, etnográfcios e naturais máis senlleiros deste espazo. A verdade é que non podemos estar máis contentos, tanto pola grande afluenza de xente que se quixo unir a esta celebración como polo feito de ver consumado un soño no que viñamos traballandfo e loitando os últimos anos. Dende aquí o meu agradecemento a todos aqueles que nos acompañaron na andaina do pasado domingo  e a todos os que durante estes anos apoiaron este proxecto.

8xun15_lavoz_inaug-7camic3b1os

8xun15_diario_inaug-7camic3b1os

8xun15_faro_inaug-7camic3b1os

10382162_941194222581343_1237375927109389473_n

1466263_941194429247989_7644338246415112391_n

10325160_941194529247979_8636656940456381479_n

100_2960

11357080_1044557988905879_5825393236267375150_o

11055362_1044558008905877_5723729492176283036_o

Fotos cortesía da A.C y web Monte Pituco

O “ESPAZO NATURAL E ARQUEOLÓXICO DOS SETE CAMIÑOS” XA É UNHA REALIDADE

Onte, no local da Federación de Asociacións de Veciños Castelao, en Pontevedra, anunciamos en rolda de prensa a inauguración do Espazo Natural e Arqueolóxico dos Sete Camiños.

roldaprensa7camic3b1os

Foto de Pontevedra Viva

CAM02817

IMG-20150604-WA0002

Despois de anos de traballo e ilusión o proxecto de creación do Espazo Natural e Arqueolóxico dos Sete Camiños xa é unha realidade.

????????????????????????????????????

 Atrás quedan os seis anos de esforzos e dedicación nos que a Comisión Técnica para a creación de este espazo traballamos a reo para artellar os elementos arqueolóxicos e etnográficos desta contorna nun roteiro atractivo, meses de traballo de campo e documental para dotar a este espazo de contidos materiais e inmateríais de grande interese cultural. Quedan atrás os múltiples roteiros que organizamos para dar a coñecer á cidadanía a riqueza deste lugar natural que compartimos os veciños do Morrazo e de Pontevedra.

6

Perduran na nosa memoria os dossieres entregados ás Administracións , nalgún caixón perdido andarán, as reunións mantidas coas comunidades de montes de Salcedo, Lourizán e San Xulián que felizmente decidiron tomar as riendas deste proxcto e facelo realidade.  Deixamos tamén o legado dun documentario sobre os Sete Camiños, que  se presentou no Teatro Principal de Pontevedra en xaneiro de 2012, e que reflicte en imaxes os tesouros naturais, arqueolóxicos e antropolóxicos deste lugar.

102_9536

capa-dvd-sete-camic3b1os-copia

Pasaron xa cinco anos dende que o 16 de abril de 2010 a Comisión Técnica do Espazo presentara o proxecto ante a prensa e ante os representantes dos colectivos sociais e culturais que apoiaban esta novidosa iniciativa.

colectivos

Dende abril deste ano a empresa A Citania, Arqueoloxía e Xestión do Patrimonio estivo desenvolvendo os traballos de sinalización da ruta coa colocación de paneis explicativos de cada elemento e os correspondetes postes de seguimento de ruta.

11100864_1046275208734942_2788997679731792749_n

Tamén se elaboraron  trípticos do roteiro, unha páxina web e unha magnífica guía-catálogo nos que tiven o pracer de traballar. Por se faltaba algo, a ruta está dotada de códigos QR cos que poder realizar un percorrido autoguaido a través da extensa información dixital disponible na web.

 escanear0011

escanear0013

escanear0012

Por fin este domingo 7 de xuño de 2015 inauguramos o Espazo Natural e Arqueolóxico dos Sete Camiños cunha andaina  que sairá ás 10:00 horas dende a área de lecer do Pornedo, a carón do cruce do Regueiriño, na estrada de Figueirido. Estades todos convidados, pois este espazo é de todos e para goce de todos.

20150503_171611

Existen trípticos do roteiro disoñibles no concello de Pontevedra, concello de Marón, oficina de turismo de Pontevedra e no parque arqueolóxico de Campo Lameiro. Xa non hai disculpa para non vir coñecer o novo Espazo Natural e Arqueolóxico dos Sete Camiños.

11270313_10153080136823393_8982168721306612202_o 

escanear0014

COMUNICADO DAS COMUNIDADES DE MONTES DE SALCEDO, LOURIZÁN E SAN XULIÁN CON MOTIVO DA INAUGURACIÓN DO ESPAZO NATURAL E ARQUEOLÓXICO DOS SETE CAMIÑOS

O proxecto dos Sete Camiños é unha iniciativa das Comunidades de Montes de Lourizán, Salcedo e San Xulián para a creación dun espazo natural e arqueolóxico nesta zona, a contorna dos Sete Camiños, onde os montes comunais das tres parroquias se xuntan.

Trátase dun proxecto de base, que nacera en 2004 e que durante máis de dez anos foi aglutinando vontades de persoas e de entidades sociais para, finalmente, materializarse en 2015 co apoio explícito de máis de 20 colectivos; un dato que reflicte o gran respaldo social co que conta.

Desta maneira, as tres comunidades de montes reafirman a súa aposta por un modelo de xestión baseado no carácter multidisciplinar do monte, co uso social como un dos seus piares fundamentais; no que xoga un papel destacado a posta en valor do patrimonio cultural que albergan os montes.

No contexto actual, e sobre todo neste caso, os montes veciñais de Marín e de Pontevedra deben actuar como montes periurbáns, permitíndolle á veciñanza das dúas vilas -e de toda a comarca- gozar de lugares coma este, para o esparcemento e o lecer.

Non é a primeira vez que unha comunidade de montes inviste no patrimonio arqueolóxico; mais representa un caso único o feito de que tres comunidades de montes, de concellos diferentes, se poñan de acordo para impulsar un proxecto destas características, por si mesmas, sen axudas públicas, nin a proposta dunha Administración.

Neste sentido, a creación do Espazo Natural e Arqueolóxico dos Sete Camiños representa que as comunidades de montes acadan a maioría de idade: un cambio de mentalidade no que se refire á súa responsabilidade de cara á conservación do patrimonio arqueolóxico, como propietarias dos terreos.

Por ser un exemplo paradigmático de proxecto de base, o Espazo Natural e Arqueolóxico dos Sete Camiños xa representa un referente a nivel galego.

A iniciativa ten dúas fases: unha primeira, que se inaugura de forma inmediata, consistente na creación dunha páxina web (www.setecamiños.com) e na sinalización da Ruta Arqueolóxica dos Sete Camiños, xunto cos elementos que integran o espazo.

Na segunda fase, cada comunidade de montes procederá á posta en valor dos elementos situados nos seus terreos, segundo os prazos e os medios que considere oportunos. Tamén está prevista a conexión do Espazo co Lago de Castiñeiras.

A empresa A Citania, Arqueoloxía e Xestión do Patrimonio -cuxo orzamento foi seleccionado entre máis de media ducia de propostas- traballou durante os últimos meses no deseño e na instalación da sinaléctica dos elementos patrimoniais que conforman o Espazo Natural e Arqueolóxico dos Sete Camiños e do roteiro que o artella. En total foron colocados 30 postes con 51 sinais e 12 paneis explicativos, que inclúen códigos QR para poder descargar as fichas dos xacementos e as audioguías, ademais de 4 paneis en cada unha das entradas ao Espazo -Pornedo, Catadoiro, Pardecelas e A Armada- que se habilitaron.

O deseño e a publicación dun tríptico informativo, dunha guía-catálogo e da páxina web complementan os traballos de creación e de posta en valor do Espazo Natural e Arqueolóxico dos Sete Camiños. En total, editáronse 5.000 exemplares do tríptico e 1.500 da guía-catálogo, que se repartiran en diferentes puntos: oficinas de turismo, así como locais sociais e establecementos comerciais de Pontevedra e de Marín. A páxina web, cun atractivo deseño e cunha ampla información do patrimonio natural, arqueolóxico e inmaterial dos Sete Camiños, permite ademais descargar os mapas do Espazo, as fichas dos xacementos arqueolóxicos, as audioguías, etc.

Este proxecto foi posible grazas á vontade e á financiación das Comunidades de Montes de Lourizán, Salcedo e San Xulián, que organizaron para este domingo 7 de xuño unha andaina conxunta de inauguración, á que está convidada toda a cidadanía.

As Comunidades de Montes de Salcedo, Lourizán e San Xulián están orgullosas de crear este novo espazo para o lecer e o goce dos veciños e das veciñas das bisbarras de Pontevedra e do Morrazo; de Galicia enteira. Por iso, a inauguración está enfocada como unha festa da cidadanía, pois ao fin e ao cabo, este proxecto foi feito por e para a cidadanía.

roteiro1

diario de pontevedra

Diario de Pontevedra

Fotografías do autor e cortesía da A.C. Monte Pituco e Lukas Santiago.

 

PRESENTACIÓN DO LIBRO “ALICORNIO” NA LIBRERÍA BAROJA

CAM02815

Diario de Pontevedra

Vai chegando o final a loga romaxe que fixemos por todo o país a cabalo de unicornios. Quedan un par de presentacións pendentes do meu libro “Alicornio. o poder do corno de unicornio na medicina tradicional galega” e cómpre ir pechando xa o círculo máxico. Así que volvemos ao comezo. O vindeiro mércores 3 de xuño ás 19.30h na librería Baroja de Pontevedra faremos a presentación deste traballo ao redor do que posiblemente sexa o amuleto curador máis potente da farmacopea tradicional galega: o Alicornio. Grazas ao amigo Fernando Baroja aqueles que aínda non coñecen as máxicas e podereosas virtudes atribuidas ao longo da historia ao corno do mítico unicornio  terán a oportunidade de descubrilas e de achegarse tamén ao fascinante universo atropolóxico da medicina popular galega. E, quizais, cun puco de sorte ata podan ver un auténtico alicornio. Eu non perdería esta oportunidade pero, claro, eu gosto destas cousas “raras”. Xa que logo, se a vostedes tamén lles gustan estas faces pouco coñecidas da nosa cultura xa saben onde e cando é a cita.

cartaz alicornio baroja

IMG-20150604-WA0000

A %d blogueros les gusta esto: