Category Archives: 01. ANTROPOLOXÍA E ETNOGRAFÍA

PATRIMONIO INMATERIAL DE BEMIL

Deixo aquí o PDF do libro “Patrimonio inmaterial de Bemil”. Libro colectivo que inclúe o meu traballo “A Fonte do Anghenido de Bemil. Ritos e tradicións ao redor dun manancial curativo“. (pp.70-123), xunto cos traballos de Daniel Seijas, Elena Cabreja e Jesús González.

ENLACE DESCARGA LIBRO:

patrimonio inmaterial de bemil

librobemil

Este libro foi promovido polas Comunidades de Montes Veciñais da parroquia de Santa María de Bemil (Comunidade de Montes Veciñal en Man Común de Bemil e Comunidade de Montes Veciñal en Man Común de Paradela), e contou coa colaboración do Instituto de Ciencias do Patrimonio (Incipit) do Consejo Superior de Investigaciones Científicas (CSIC), e de A Citania S.L.- Xestión de Patrimonio

Na presente obra preténdese recoller parte do patrimonio inmaterial da parroquia, un patrimonio extremadamente fráxil por ser fundamentalmente de transmisión oral. Elexíronse, para facer o estudo e divulgar a través deste libro, tres exemplos paradigmáticos do noso territorio: a emblemática Festa do Ramo, as reliquias de San Xusto Mártir (que aínda que son elementos materiais teñen asociado un interesante proceso social de adquisición, rexistro cerimonial e incorporación á liturxia) e o ritual curativo da fonte do Anghenido.

CONTIDOS:

O “RAMO” DA NOSA SEÑORA E O SANTÍSIMO SACRAMENTO NA PARROQUIA DE SANTA MARÍA DE BEMIL. AUTOR: Daniel Seijas LLerena

AS RELIQUIAS DA PARROQUIA DE SANTA MARÍA DE BEMIL E O LIBRO DE SAN XUSTO. AUTORES: Elena Cabrejas e Jesús González Crespo

A FONTE DO ANGHENIDO DE BEMIL. RITOS E TRADICIÓNS AO REDOR DUN MANANCIAL CURATIVO. AUTOR: Rafael Quintía Pereira

Advertisements

CURSO DE ANTROPOLOXÍA SOCIAL E CULTURAL GALEGA

A partir do vindeiro 16 de outubro, os martes pola tarde estarei en Santiago de Compostela impartindo un curso sobre antropoloxía cultural e social galega. Comezamos cun primeiro módulo adicado á mitoloxía e as festas do ciclo do ano.

O curso impartirase na Cidade da Cultura e está organizado por Trebum Cultura. Se alguén está intersado aínda se pode matricular contactando con Trebum Cultura:

Trebum Cultura

http://www.trebum.com/
Cidade da Cultura de Galicia
Monte Gaiás s/n
15707 Santiago de Compostela

42570094_856661267861134_8273431412506361856_n

FALANDO DA LINGUAXE DAS CAMPÁS E DOS CAMPANEIROS

Entrevista publicada hoxe en El Progreso, con motivo da “Xornada de campás e campaneiros” que dende a Asociación Cultural Os Chichisos organizaremos mañá sábado 29 na Fonsagrada.

b512b1f0-9718-40ca-b493-a056bdd5b6a7

Cartaz Campás 2018

FALANDO DE ENDEMONIADOS E EXORCISMOS

Entrevista publicada o pasado 9 de xuño no suplemento “Revista” do Diario de Pontevedra dentro dun número especial sobre endemoniados e e exorismos.

EXORCI 1

EXORCISMO

 

“ACHEGAS AO PATRIMONIO INMATERIAL GALEGO”

A Sociedade Antropolóxica Galega acaba de publicar un novo traballo que tiven o gusto de coordinar: “Achegas ao Patrimonio Inmaterial galego”. A presente obra conforma un libro coral que compendia nove traballos de diferente autoría, diversos en canto a temática, estilo e enfoque pero que comparten todos eles o denominador común de tratar temas do noso Patrimonio Inmaterial. Áreas de coñecemento que van dende a mitoloxía, ata a relixiosidade popular pasando polas festas tradicionais, as crenzas ou os ritos aínda vivos na cultura tradicional.

Este libro nace ao abeiro do curso “Mitoloxía, crenzas, rituais e manifestacións festivas da cultura tradicional galega. Un achegamento antropolóxico ao patrimonio inmaterial de Galicia“, curso de extensión universitaria que deseñei e inmpartín na UNED neste curso académico. Xa que logo o libro que contén unha escolma de traballos de investigación ao redor do Patrimonio Inmaterial galego feitos por un entusiasta grupo de alumnos e alumnas que aceptaron a miña proposta de facer unha investigación antropolóxica e despois reflectir os resultados nun traballo de divulgación.

Dende aquí transmito os meus parabéns a Sara Alonso Mallo, Lina Álvarez Iglesias, Carlos X. Ares Pérez, Víctor Caride Abalde, Ana Durán Penabad, Pilar López Vilas,  Lidia Mariño Ventoso, Natividad Rey Ordóñez e Cruz Vázquez Torres polo traballo feito e pola entrega neste proxecto.

portada api

Características técnicas:

Coordinador: Rafael Quintía Pereira
Autores/as: Sara Alonso Mallo, Lina Álvarez Iglesias, Carlos X. Ares Pérez, Víctor Caride Abalde, Ana Durán Penabad, Pilar López Vilas,  Lidia Mariño Ventoso, Natividad Rey Ordóñez e Cruz Vázquez Torres.
Editorial: Sociedade Antropolóxica Galega
Impresión: Branco e negro
Tamaño:23×16
202 páxinas
Ano: 2018
I.S.B.N.: 978- 84-948682-1-4
PVP: 15€

%d bloggers like this: