Category Archives: 09. NOVAS

Curso “Mitoloxía, crenzas, rituais e manifestacións festivas da cultura tradicional galega. Un achegamento antropolóxico ao patrimonio inmaterial de Galicia.

AÍNDA ESTADES A TEMPO DE MATRICULARVOS

Infórmanme na UNED que, como a docencia é online e os vídeos das clases están dispoñibles nun repositorio, aínda está aberto o prazo de matriculación do curso que estou impartindo sobre patrimonio inmaterial galego.

Así que se vos apetece achegarvos ao mundo da mitoloxía galega, das festas rituais, da etnomedicina, das xeografías míticas e sagradas ou da relixiosidade popular, entre outros moitos temas que trataremos, aínda estades a tempo de facelo a través deste curso de extensión universitaria que vai xa pola 4ª edición, aínda que este ano teña que ser online polo tema da Covid-19. O lado bo de ser online e gravado é que vos permite facer o curso dende casa e á hora e día que queirades. Así que estarei encantado de compartir esta actividade con vós. Aquí tendes o link para informarvos e demais.

Se o considerades oportuno, agradécese a difusión pois que siga sendo un éxito este curso axuda a que a UNED siga apostando e apoiando a tan necesaria formación en antropoloxía galega.

TODA A INFORMACIÓN DO CURSO NESTE LINK:

http://extension.uned.es/actividad/idactividad/22685?fbclid=IwAR3JiErYeO82QOfzE7WKguCX2b1s5eXoGttY22kCbtrXHY5YXJTSDislumQ

“CANXAR. REVISTA DE FOTOGRAFÍA ETNOGRÁFICA”. Unha nova aventura editorial da man da SAGA

Durante os meses de confinamento dende a SAGA estivemos aproveitando estes tempos raros e difíciles para madurar novas ideas e facelas realidade, sempre con ese afán de traballar a prol da divulgación e do fomento da Antropoloxía en todas as súas formas posibles. Nace así  “Canxar. Revista de fotografía etnográfica”. Unha publicación da Sociedade Antropolóxica Galega fundada co fin de promocionar, valorizar e divulgar a fotografía etnográfica e o traballo dos seus autores e autoras, así como visibilizar o campo da antropoloxía visual, en xeral. A revista ten unha vocación internacional, por iso se edita en formato dixital e en tres idiomas (galego, español e inglés), buscando chegar ao maior número de público interesado posible. Ademais, seguindo a nosa filosofía de intentar achegar o coñecemento á sociedade “Canxar”  é de visionado libre na web antropoloxiagalega.org, no blogue  https://sociedadeantropoloxicagalega.wordpress.com/ e na plataforma ISSUU. Tentamos con este proxecto chegar a canta máis xente posible, achegar a nosa cultura galega a outros recunchos do mundo e, asemade, achegármonos a outras culturas e a outras formas de ollar e de estar no mundo.

Como director da publicación quero dar as grazas publicamente aos copañeiros da SAGA polo apoio a esta nova aventura editorial, a todas as autoras e a todos os autores que colaboraron neste proxecto cos seus traballos. Tamén ao Museo Etnolóxico de Ribadavía e ao Museo Etnográfico Casa do Patrón polas súas desinteresadas achegas , ao doutor en Historia da Arte Carlos Arturo Fernández Uribe polo seu magnífico artigo, a Nekane Requejo polo seu traballo de traducción de textos ao inglés e, en especial, Ana Durán Penabad pola dedicación, ilusión, bo facer e traballo posto neste proxecto.

 

DATOS EDITORIAIS:

DIRECCIÓN: Rafael Quintía Pereira

DESEÑO ARTÍSTICO: Ana Durán Penabad

EDICIÓN: Dixital

IDIOMAS: galego, español e inglés

COLOR

PERIODICIDADE: Semestral

ENTIDADE EDITORA: Sociedade Antroplóxica Galega (SAGA)

LUGAR DE EDICIÓN: Galicia (edición dixital)

ISSN: en xestión

DEPÓSITO LEGAL: OU 139-2020

 

DESCARGA LIBRE:

https://sociedadeantropoloxicagalega.wordpress.com/2020/08/14/nace-canxar-revista-de-fotografia-etnografica-a-nova-publicacion-da-saga/

 

VISIONADO EN LIÑA:

ENTREVISTA EN NÓS DIARIO

En Nós Diario fixéronme un “selfie”.

PREMIO DE INVESTIGACIÓN “XERMADE NA HISTORIA”

Veño de recibir a notificación de que fun galardoado co primeiro premio do Premio de Investigación “Xermade na Historia”.  O xurado tivo a ben considerar que o meu traballo “A ABOREADA DAS MÁZCARAS. Estudo histórico e antropolóxico dos Entroidos tradicionais de Xermade” era merecedor de tal premio, o cal agradezo enormente aos membros e ás membros do xurado.

Nestes tempos difíciles que estamos a vivir, unha alegría deste tipo agradécese máis ca nunca e dá un pouco de normalidade ás nosas vidas.  Así que non podo estar máis contento e agrdecido. Primeiro polo galardón en si, e despois pola relación afectiva que teño dende hai anos coas boas xentes de Xermade, onde atopei un pobo xeneroso, hospitalario e cariñosos que fan que, para min, Xermade, sexa coma unha segunda casa, onde como aínda mellor ca na miña,  todo sexa dito. Así que síntome especialmente feliz e honrado por recibir este premio.

Quero agradecer á organización do premio por manter vivas inciativas coma esta,  tan importantes e necesarias para o fomento da investigación histórica e antropolóxica da nosa terra, e anímoos a seguir traballando así de ben.

Agradezo por último, pero non por iso con menos intensidade e débede, a todos os veciños e as veciñas que me axudaron e tiveron a ben facerme depositario dos seus saberes nestes últimos seis anos de traballo de campo. Moitas grazas.

 

boletin_Página_001

Volvemos a editar “Caderno de campo. Boletín informativo da Sociedade Antropolóxica Galega”. E facémolo cun número especial sobre o Entroido que compendia oito artigos de diferentes investigadores socios e colaboradores da SAGA, dúas reportaxes fotográficas dos nosos fotógrafos colaboradores Pedro G. Losada e Roberto de la Torre, así como a última e inédita crónica do noso compañeiro, recentemente falecido, Ángel Gilberto Martínez “Papigil”, a quen dedicamos esta publicación. Esperemos que esta revista sexa do voso interese.

VISIONADO ON LINE E DESCARGA.CONSULTE NESTA LIGAZÓN O CADERNO DE CAMPO 2019. ESPECIAL ENTROIDO:

CADERNO DE CAMPO 2019 ESPECIAL ENTROIDO

 

 

boletin_Página_005boletin_Página_004

boletin_Página_100

A <span>%d</span> blogueros les gusta esto: