DOCUMENTAIS

SINOPSE:
“Lupa: Na procura do mito da Raíña Loba” é un proxecto audiovisual para a divulgación do noso patrimonio cultural. Unha aventura na que percorremos todo o país na procura dun dos mitos máis significativos da nosa cultura: o mito da raíña Lupa e da traslación do apóstolo Santiago. Unha viaxe fascinante polo noso patrimonio material e inmaterial, por montes sagrados, covas misteriosas, cidades asolagadas e moitas das paisaxes naturais e míticas que fan deste país unha auténtica xoia cultural.

FICHA ARTÍSTICA/TÉCNICA:
Título: Lupa. Na procura do mito da Raíña Loba.
Tipo: Documental etnográfico e histórico
Guión e Dirección: Rafael Quintía
Realización e edición: Miguel Alonso Cambrón
Produción: Ab Origine
Colaboran: Concello de Pontevedra, Concello de Boqueixón, Concello de Carnota, Cervexas Nasa, Vermú Petroni e Grupo Donoso
Ano: 2017
Duración: 73 minutos aprox.

VISIONADO ONLINE:

Documental “MADAMAS E GALÁNS. HISTORIA DO ENTROIDO DE COBRES”

SINOPSE:
“MADAMAS E GALÁNS. HISTORIA DO ENTROIDO DE COBRES” é un documental de longa duración no que se recolle e se dá a coñecer a riqueza do Entroido tradicional de Cobres, á vez que se fai un percorrido pola súa historia e polos aspectos e elementos culturais máis significativos, incluídos aqueles que xa están desaparecidos.
O documental foi promovido e financiado pola Asociación Cultural Cobres-Vilaboa e realizado por AB ORIGINE, gabinete de antropoloxía. Conou co finanzamento da Deputación Provincial de Pontevedra e do Concello de Vilaboa. Formou parte do equipo de realización o etnógrafo Xosé Anxo Rosales, autor do traballo “As Madamas e o sacrificio do galo. O Entruido do concello de Vila-Boa do Morrazo”. Ademais o proxecto contou coa colaboración e o asesoramento da Sociedade Antropolóxica Galega (SAGA) á que tamén pertence Xosé Anxo Rosales.

FICHA ARTÍSTICA:
DIRECCIÓN: Rafael Quintía
GUIÓN: Rafael Quintía e Xosé Anxo Rosales
REALIZACIÓN: Miguel Alonso
GRAVACIÓN: Miguel Alonso, João Bieites e Rafael Quintía
MONTAXE: Miguel Alonso

FICHA TÉCNICA:
PRODUTORA: Un documental realizado por AB ORIGINE ANTROPOLOXÍA. Promovido e financiado pola Asociación Cultural Cobres-Vilaboa. Coa colaboración da Deputación Provincial de Pontevedra, Concello de Vilaboa e a Sociedade Antropolóxica Galega.
TÍTULO ORIXINAL: “MADAMAS E GALÁNS. HISTORIA DO ENTROIDO DE COBRES”
TIPO: Documental
XÉNERO: Etnográfico
ANO: 2016
DURACIÓN: 98 minutos aprox.
ORIXE: Galiza
IDIOMA V. O.: Galego

VISIONADO ONLINE:

——————————————————————————————–

Documental “MUÍÑOS, A MEMORIA DA AUGA”

SINOPSE:
Os muíños son uns dos elementos etnográficos máis senlleiros e identificativos da paisaxe cultural e natural de Galiza. Construcións vencelladas á vida agraria cuxa función foi fundamental para a supervivencia das xentes e para o desenvolvemento económico da sociedade. Os muíños de río eran auténticas fábricas de maná, que en forma de fariña facían posible a fabricación do pan, alimento básico na dieta dos labregos.

Ester novo documental da Sociedade Antropolóxica Galega achéganos á historia dos muíños de río, á súa arquitectura e funcionamento, aos seus usos e costumes, ao patrimonio inmaterial a eles vencellados e ao papel económico e social que xogaron nas comunidades agrarias galegas ao longo do tempo.

FICHA ARTÍSTICA:
DIRECCIÓN: Rafael Quintía
GUIONISTA: Rafael Quintía
REALIZACIÓN: João Bieites
GRAVACIÓN E MONTAXE: João Bieites
RECREACIÓN 3D: miguel-Ângelo Bieites
VOZ EN OFF: Paz Castro
MÚSICA: Carmen Gallego e César Loureiro
PRODUCIÓN: Sociedade Antropolóxica Galega (SAGA)

FICHA TÉCNICA:
PRODUTORA: Sociedade Antropolóxica Galega (SAGA). Un documental realizado co finanzamento do Concello de Pontevedra, Concellería e Patrimonio Histórico.
TÍTULO ORIXINAL: “MUÍÑOS, A MEMORIA DA AUGA”
TIPO: Documental
XÉNERO: Etnográfico
Produción propia realizada a cor
ANO: 2016
DURACIÓN: 93 minutos aprox.
ORIXE: Galiza
IDIOMA V. O.: Galego

VISIONADO ONLINE:

Documental “SETE CAMIÑOS. Encrucillada do tempo”

SINOPSE:
O proxecto para a creación do Espazo Natural e Arqueolóxico dos Sete Camiños é unha proposta que pretende poñer en valor o importante e rico patrimonio natural, cultural e paisaxístico do contorno dos Sete Camiños, o Monte do Pornedo e o Monte do Catadoiro. É un espazo que conforma unha unidade natural que abrangue parte do monte comunal das parroquias de Salcedo e Lourizán, en Pontevedra e San Xulián, en Marín. O documental Sete Camiños. Encrucillada do tempo pon voz e imaxes a este proxecto que supón unha nova estratexia colectiva que aposte por unha xestión sostible dos nosos montes e recursos, pola conservación e posta en valor do noso patrimonio material e inmaterial e por unha visión a longo prazo para garantir unha digna herdanza natural e cultural para as xeracións futuras. Só así será posible a creación deste espazo natural e arqueolóxico, só así terán un futuro viable os nosos montes e a nosa propia cultura.

FICHA ARTÍSTICA:
DIRECCIÓN: Rafael Quintía e Lukas Santiago
GUIONISTA: Rafael Quintía e Lukas Santiago
REALIZACIÓN: Lukas Santiago e João Bieites
PRODUCIÓN: Sociedade Antropolóxica Galega (SAGA) en colaboración con Faro de Ons Producións.

FICHA TÉCNICA:
PRODUTORA: Sociedade Antropolóxica Galega (SAGA) en colaboración con Faro de Ons Producións.
SUBVENCIÓN OU AXUDA PÚBLICA: Ningunha
TÍTULO ORIXINAL: “SETE CAMIÑOS. Encrucillada do tempo”
TIPO: Documental
XÉNERO: Arqueológico, etnográfico e social
Produción propia realizada a cor
ANO: 2011
DURACIÓN: 43 minutos aprox.
ORIXE: Galiza
IDIOMA V. O.: Galego

VISIONADO ONLINE:

——————————————————————————————–

Documental “COMUNEIROS. Cen anos de vida e loita polo monte de Salcedo”

SINOPSE:
“Comuneiros. Cen anos de vida e loita polo monte de Salcedo” é unha produción da Sociedade Antropolóxica Galega (SAGA) en colaboración coa Comunidade de Montes Salcedo. O audiovisual fai un percorrido por un século de vida e de explotación tradicional do monte comunal —verdadeira e única fonte de subsistencia para moitas xeracións de galegos— e polos aconteceres e desgrazas que, co cambio dos tempos e co gallo das distintas usurpacións do monte comunal, tiveron que sufri-los veciños da parroquia pontevedresa de San Martiño de Salcedo.

FICHA ARTÍSTICA:
DIRECCIÓN: Rafael Quintía
GUIONISTA: Rafael Quintía
REALIZACIÓN: João Bieites,
PRODUCIÓN: Sociedade Antropolóxica Galega (SAGA) en colaboración coa Comunidade de Monte de San Martiño de Salcedo

FICHA TÉCNICA:
PRODUTORA: Sociedade Antropolóxica Galega (SAGA) en colaboración coa Comunidade de Monte de San Martiño de Salcedo
SUBVENCIÓN OU AXUDA PÚBLICA: Ningunha
TÍTULO ORIXINAL: “COMUNEIROS. Cen anos de vida e loita polo monte de Salcedo”
TIPO: Documental
XÉNERO: Etnográfico e social
Produción propia realizada a cor
ANO: 2011
DURACIÓN: 87 minutos aprox.
ORIXE: Galiza
IDIOMA V. O.: Galego

VISIONADO ONLINE:

——————————————————————————————-

Documental “MONTE DO SEIXO. A Montaña Máxica”

SINOPSE:
Nesta produción do Grupo de Estudos Etnográficos Serpe Bichoca óllase para o Monte do Seixo como unha montaña totémica, da fertilidade, das encrucilladas e do alén. O documental confórmase coma unha viaxe polas lendas, os ritos e as estacións míticas que agocha esta máxica montaña da nosa xeografía sagrada. O traballo audiovisual, asemade, fai unha denuncia da destrución paisaxística, arqueolóxica e etnográfica que supuxo a construción do parque eólico que hoxe coroa os cimos do Seixo.

FICHA ARTÍSTICA:
DIRECCIÓN: João Bieites, Rafael Quintía e Calros Solla
GUIONISTA: Calros Solla
PRODUCIÓN: Grupo de Estudos Etnográficos SERPE BICHOCA

FICHA TÉCNICA:
PRODUTORA: Grupo de Estudos Etnográficos SERPE BICHOCA
SUBVENCIÓN OU AXUDA PÚBLICA: Ningunha
TÍTULO ORIXINAL: “MONTE DO SEIXO. A Montaña Máxica”
TIPO: Documental
XÉNERO: Etnográfico e social
Produción propia realizada a cor
ANO: 2009
DURACIÓN: 125 minutos aprox.
ORIXE: Galiza
IDIOMA V. O.: Galego

VISIONADO ONLINE:

——————————————————————————————-

Curtametraxe documental “NOITE DE REIS COS CHICHISOS”

SINOPSE:
Os Chichisos en compaña dunha trintena de nenos recrean nesta curtametraxe documental a tradición, antano habitual nas nosas festas de Nadal, de ir cantar polas casas a Noite de Reis. Grupos de mozas e de mozos percorrían a aldea ou parroquia interpretando os cantos de reis, unhas fermosas pezas da nosa literatura popular transmitidas oralmente ó longo dos séculos. A cambio do seu cantar, a mocidade solicitaba o aguinaldo, xeralmente en especie (viño, chourizos, touciño, doces, lambetadas, etc.), que despois consumían todos xuntos facendo unha festa ou foliada.

FICHA ARTÍSTICA:
DIRECCIÓN: Rafael Quintía e João Bieites
GUIÓN: Rafael Quintía e Xosé Feijóo
PRODUCIÓN: Asociación Cultural Os Chichisos
REALIZACIÓN: João Bieites

FICHA TÉCNICA:
PRODUTORA: Asociación Cultural Os Chichisos
SUBVENCIÓN OU AXUDA PÚBLICA: Ningunha
TÍTULO ORIXINAL: “NOITE DE REIS COS CHICHISOS”
TIPO: Curtametraxe documental
XÉNERO: Etnográfico
Produción propia realizada a cor
ANO: 2012
DURACIÓN: 8 minutos aprox.
ORIXE: Galiza
IDIOMA V. O.: Galego

VISIONADO ONLINE: