Category Archives: 03. MITOLOXÍA E XEOGRAFÍAS SAGRADAS

“ACHEGAS AO PATRIMONIO INMATERIAL GALEGO”

A Sociedade Antropolóxica Galega acaba de publicar un novo traballo que tiven o gusto de coordinar: “Achegas ao Patrimonio Inmaterial galego”. A presente obra conforma un libro coral que compendia nove traballos de diferente autoría, diversos en canto a temática, estilo e enfoque pero que comparten todos eles o denominador común de tratar temas do noso Patrimonio Inmaterial. Áreas de coñecemento que van dende a mitoloxía, ata a relixiosidade popular pasando polas festas tradicionais, as crenzas ou os ritos aínda vivos na cultura tradicional.

Este libro nace ao abeiro do curso “Mitoloxía, crenzas, rituais e manifestacións festivas da cultura tradicional galega. Un achegamento antropolóxico ao patrimonio inmaterial de Galicia“, curso de extensión universitaria que deseñei e inmpartín na UNED neste curso académico. Xa que logo o libro que contén unha escolma de traballos de investigación ao redor do Patrimonio Inmaterial galego feitos por un entusiasta grupo de alumnos e alumnas que aceptaron a miña proposta de facer unha investigación antropolóxica e despois reflectir os resultados nun traballo de divulgación.

Dende aquí transmito os meus parabéns a Sara Alonso Mallo, Lina Álvarez Iglesias, Carlos X. Ares Pérez, Víctor Caride Abalde, Ana Durán Penabad, Pilar López Vilas,  Lidia Mariño Ventoso, Natividad Rey Ordóñez e Cruz Vázquez Torres polo traballo feito e pola entrega neste proxecto.

portada api

Características técnicas:

Coordinador: Rafael Quintía Pereira
Autores/as: Sara Alonso Mallo, Lina Álvarez Iglesias, Carlos X. Ares Pérez, Víctor Caride Abalde, Ana Durán Penabad, Pilar López Vilas,  Lidia Mariño Ventoso, Natividad Rey Ordóñez e Cruz Vázquez Torres.
Editorial: Sociedade Antropolóxica Galega
Impresión: Branco e negro
Tamaño:23×16
202 páxinas
Ano: 2018
I.S.B.N.: 978- 84-948682-1-4
PVP: 15€

Advertisements

ESTREA DO DOCUMENTAL “LUPA. NA PROCURA DO MITO DA RAÍÑA LOBA”

O vindeiro venres 16 de marzo ás 21h estrearemos no Teatro Principal de Pontevedra o noso documental “Lupa. Na procura do mito da Raíña Loba”. Un audiovisual de AB ORIGINE con dirección e guión de Rafael Quintía, narración e presentación de Rodrigo Cota e realización e montaxe de Miguel Alonso. Neste novo traballo percorremos a xeografía galega na procura da pegada da Raíña Lupa, dende os relatos contidos no Codex Calixtinus ata as lendas de tradición oral que aínda permanecen vivas en moitos recunchos do país. Unha aventura que nos gustaría compartir con todos vós.

Estrea-Lupa-2018-Pontevedra

Trailer

 

 

CURSO DE ANTROPOLOXÍA NA UNED SOBRE “PATRIMONIO INMATERIAL GALEGO”

A partir do 5 de outubro e ata o 21 de decembro impartirei na UNED (sede de Pontevedra) o seguinte curso sobre antropoloxía galega: Mitoloxía, crenzas, rituais e manifestacións festivas da cultura tradicional galega. Un achegamento antropolóxico ao patrimonio inmaterial de Galicia.

Se estades interesados en todos estes aspectos do Patrimonio Inmaterial galego podedes matricularvos online a través da web da UNED. Coido que imos pasalo ben e descubrir moitas cousas sobre nós mesmos.

Aquí a ligazón ao curso:

https://extension.uned.es/actividad/idactividad/15092

Toda a información do curso neste PDF:

Mitología, creencias, rituales y manifestaciones festivas de la cultura tradicional gallega Un acercamiento antropológico al patrimonio inmaterial de Galicia

PUBLÍCASE “MARIÑA: DE DEUSA A SANTA”

A editorial Galaxia vén de publicar a miña obra “Mariña: de deusa a santa”, coa que gañei o Premio Ramón Piñeiro de Ensaio 2016.

Páginas desdeCuberta-Mariña de deusa a santa

Páginas desdeCuberta-Mariña de deusa a santa2

Toda a información sobre o libro na seguinte ligazón do catálogo de Galaxia:

http://editorialgalaxia.gal/produto/marina-de-deusa-santa/

FALANDO DE SAN CIBRÁN DE TOMEZA E DOS PASTEQUEIROS (Faro de Vigo)

ENTREVISTA SAN CIBRÁN

%d bloggers like this: