LIBROS
VADE RETRO. RITUALÍSTICA PROTECTORA, OBXECTOS CURATIVOS E USO DE AMULETOS NA CULTURA POPULAR GALEGA
Datos técnicos:
Autor: Rafael Quintía Pereira
Editorial: Concello de Valga
Impresión: Branco e negro
Tamaño:24×17
270 páxinas
Ano: 2017
I.S.B.N.: 978- 84-697-8914-8
————————————————————————————————————
UNIVERSOS SIMBÓLICOS. OLLADAS AO REDOR DA CULTURA E DA IDENTIDADE GALEGA
Datos técnicos:
Autor: Rafael Quintía Pereira
Editorial: AB ORIGINE Edicións
Impresión: branco e negro
Tamaño: 23×16
326 páxinas
Ano: 2017
I.S.B.N. 978-84-947844-0-8
O presente libro supón un compendio de textos cuxa temática xira en torno a diferentes aspectos da cultura galega e, xa que logo, dos diferentes elementos constituíntes da nosa identidade como pobo. Nas páxinas deste libro o antropólogo Rafael Quintía achéganos a cuestións que teñen que ver coas ideas máxico-relixiosas da cultura galega; percorre, entre outros, aspectos da nosa mitoloxía, do simbolismo, das nosas crenzas máis íntimas, dos noso medos, do papel da lingua nunha cultura, ou intenta responder, por exemplo, a cuestións tan tópicas como a de por que os galegos responden cunha pregunta, sen deixar atrás temas relacionados co noso entramado social. En definitiva, unha ampla e holística ollada a algunhas das moitas caras que presenta a cultura galega.
————————————————————————————————————
A LINGUAXE DAS CAMPÁS. ETNOGRAFÍA DOS SINOS
Datos técnicos:
Autor: Rafael Quintía e Rosalía Rodríguez
Editorial: A.C. Os Chichisos
Impresión: branco e negro
Tamaño: 23×16
150 páxinas
Contén DVD con audio e vídeo
Ano: 2017
I.S.B.N. 978-84-947748-0-5
———————————————————————————————————
MARIÑA: DE DEUSA A SANTA
Datos técnicos:
Autor: Rafael Quintía Pereira
Editorial: Galaxia
Impresión: branco e negro
Tamaño: 21×13.5
244 páxinas
Ano: 2017
I.S.B.N. 978-84-9151-061-1
————————————————————————————————————
MONTE DAS CROAS. ANTROPOLOXÍA DUN CASTRO
Datos técnicos:
Autor: Rafael Quintía Pereira
Editorial: Sociedade Antropolóxica Galega
Impresión: branco e negro
Tamaño: 21×13.5
136 páxinas
Ano: 2016
I.S.S.N. 2341-0353
————————————————————————————————————
ANÁLISE ESTRUTURAL E SIMBÓLICA DO MITO DA MOURA
Datos técnicos:
Autor: Rafael Quintía Pereira
Editorial: Fundación Vicente Risco
Impresión: branco e negro
Tamaño: 21×15
257 páxinas
Ano: 2016
I.S.B.N. 978-84-942726-7-7
————————————————————————————————————
LA HISTORIA DE GALICIA EN 50 LUGARES
Datos técnicos:
Autor: Rafael Quintía Pereira
Editorial: Ediciones Cydonia
Impresión: branco e negro
Tamaño: 21×15
250 páxinas
Ano: 2015
I.S.B.N. 978-84-943810-8-9
————————————————————————————————————
USO SIMBÓLICO DO CUARZO NA CULTURA GALEGA. ASPECTOS ETNOGRÁFICOS E ARQUEOLÓXICOS.
Datos técnicos:
Autor: Rafael Quintía Pereira
Editorial: Sociedade Antropolóxica Galega
Impresión: branco e negro
Tamaño: 21×15
174 páxinas
Ano: 2015
I.S.S.N. 2341-0353
O antropólogo Rafael Quintía achéganos ao mundo simbólico do uso do seixo en Galicia. Un percorrido diacrónico dende as diferentes formas nas que aparece o seixo no rexistro arqueolóxico galego, centrándonos sobre todo no seu aspecto simbólico e no seu posible uso ritual, ata o mundo da antropoloxía e das aplicacións deste mineral en diferentes contextos da cultura popular galega. Na presente monografía o autor propón hipóteses esclarecedoras coas que poidamos avanzar na senda da interpretación do uso do cuarzo dende épocas antigas e en contextos rituais e simbólicos cronoloxicamente distantes.
————————————————————————————————————
PATRIMONIO INMATERIAL DE SAN MARTIÑO DE SALCEDO
Datos técnicos:
Autor: Rafael Quintía Pereira
Editorial: Sociedade Antropolóxica Galega
Impresión: Branco e negro
Tamaño:20.5×15
570 páxinas
Ano: 2014
I.S.B.N.: 978-84-16121-16-8
San Martiño de Salcedo, a terra dos salgueiros, é unha parroquia con forte personalidade propia que afunde as súas orixes no pasado máis remoto. Os seus penedos agochan en silencio a milenaria linguaxe que gravaron os nosos devanceiros. Os seus cumios gardan a semente da nosa cultura. San Martiño de Salcedo é un universo mítico sobre o que se teceron historias, conto, lendas e crenzas construídas polas xeracións que habitaron estas fértiles terras penduradas sobre a vila de Pontevedra. O antropólogo Rafael Quintía recolle neste extenso traballo etnográfico unha boa mostra da riqueza cultural do patrimonio inmaterial desta parroquia pontevedresa que antano foi concello.
————————————————————————————————————
ALICORNIO. O PODER DO CORNO DE UNICORNIO NA MEDICINA TRADICIONAL GALEGA
Datos técnicos:
Autor: Rafael Quintía Pereira
Editorial: Sociedade Antropolóxica Galega
Impresión: Branco e negro
Tamaño:20.5×15
370 páxinas
Ano: 2013
I.S.B.N.: 978- 84-616-5814-5
O unicornio é, posiblemente, un dos animais míticos máis universais. Ó seu corno –o alicornio- atribúenselle dende a máis remota antigüidade propiedades sandadoras contra tódolos velenos e moitos máis prodixios. En Galicia, a crenza nos poderes curativos do alicornio callou fondo converténdose a máxica hasta no amuleto por excelencia para cura-lo mal de pezoña e outras doenzas da pel. Neste traballo etnográfico o autor fai un extenso percorrido polo mundo do alicornio e as súas virtudes e ofrécenos unha viaxe na procura dalgúns dos poderosos alicornios que aínda están activos na nosa terra.
————————————————————————————————————
Á SOMBRA DE BOUZA PANDA. POEMARIO DE TRINCHEIRA E MALDIZER
Datos técnicos:
Autor: Rafael Quintía Pereira
Editorial:El Taller del Poeta
Tamaño:20×14
56 páxinas
I.S.B.N.: 978-84-940996-1-8
O esvaecemento da cultura tradicional galega, a destrución do patrimonio natural, material e inmaterial, a perda da identidade, a memoria, a aculturación, o cambio social ou o turbulento momento económico que vivimos danse cita neste primeiro poemario do antropólogo e economista Rafael Quintía. Unha manchea de poemas agridoces, concibidos como un berro conta a barbarie e como unha trincheira na que parapetarse fronte a un progreso mal entendido e o imparable proceso de destrución da nosa cosmovisión como pobo.
————————————————————————————————————
PARA CANTAR VEÑO EU! UNHA VIAXE POLA CULTURA MUSICAL GALEGA DA MAN DOS CHICHISOS
Datos técnicos:
Autor:Rafael Quintía Pereira
Editorial:Sociedade Antropolóxica Galega e A.C. Os Chichisos
Impresión:branco e negro
Tamaño:23×16
274 páxinas
I.S.B.N. 978-84-615-4507-0
Empregando como fío condutor o labor que a asociación cultural e grupo de música tradicional Os Chichisos leva a cabo dende hai case dúas décadas, o autor ofrécenos nesta obra un compendio de apuntamentos etnográficos sinxelos e concisos en torno ó universo da música popular galega e das súas diferentes expresións e manifestacións. Un percorrido polos instrumentos tradicionais, os ritmos e os bailes, as festas do ciclo do ano e as tradicións musicais a elas asociadas, a ancestral linguaxe das campás, os cantos de berce e moitas outras dimensións do noso folclore que irán desfilando polas páxinas deste libro para achegarlle á xente nova e ó neófito do noso folclore o rico e variado tesouro da música tradicional galega. “Para cantar veño eu” complétase cunha amena unidade didáctica que inclúe os exercicios e as prácticas necesarias para que a xente máis nova practique, comprenda e asimile os diferentes contidos deste traballo.
————————————————————————————————————
DE VELLO, GAITEIRO! Biografía do grupo de música tradicional Os Chichisos
Datos técnicos:
Autor: Rafael Quintía Pereira
Editorial: A.C. Os Chichisos
Impresión: branco e negro
Tamaño: 23×16
156 páxinas
I.S.B.N. 978-84-615-4506-3
O presente libro sírvelle ó autor para conmemorar esa maioría de idade da agupación, facendo un repaso ó que foron estas case dúas décadas de traballo a prol da divulgación da cultura musical tradicional galega en tódalas súas vertentes. Biografías dos músicos, historia da agrupación, actividades didácticas, obradoiros, colaboracións culturais, artigos, fotografías, prensa, concertos, festas e romarías desfilan polas páxinas da obra construíndo un completo retrato do que foi e é a agrupación musical e asociación cultural Os Chichisos. De vello, gaiteiro! Inclúe, ademais, un catálogo de 33 cadros do artista Francisco Sutil onde Os Chichisos son os protagonista da súa obra pictórica.
———————————————————————————————————
A NOSA SEÑORA DA LANZADA. ESTUDIO ANTROPOLÓGICO DE UN SANTUARIO COSTERO.
Datos técnicos:
Autor:Rafael Quintía Pereira
Editorial:Librería Nós
Impresión:color
Tamaño:23×16
240 páxinas
I.S.B.N. 978-84-615-2509-6
A Nosa Señora da Lanzada é un dos santuarios máis poderosos de Galicia. A súa privilexiada localización, nun promontorio costeiro rodeada de areais e fronte ó Océano Atlántico, converte a este recinto sagrado nun lugar único da nosa xeografía relixiosa, en punto de destino de miles de devotos e nun porto de partida das almas cara ó Alén, ó Máis Alá. Neste máxico lugar conxúganse os ancestrais ritos precristiáns co culto á Virxe, a divina intervención da Nosa Señora da Area cos poderes das augas, os astros e as pedras; a crenza nunha vida no Máis Alá coas ánimas en pena, co remeiro Caronte e coas bestas fantasmagóricas que habitan as nosas rías e as nosas illas. En definitiva, o mundo terreal e profano co mundo do sobrenatural e do divino. O autor descúbrenos nesta obra, galardoada co premio Luís Cuadrado 2010, todo o universo mítico e relixioso que envolve a este espectacular santuario da Lanzada e fai un estudo pormenorizado de tódolos elementos materiais, inmateriais e simbólicos que configuran este famoso santuario da costa galega.
————————————————————————————————————
DEUSES, MITOS E RITOS DO MONTE DO SEIXO. UNHA PROPOSTA INTERPRETATIVA EN CLAVE CÉLTICA
Datos técnicos:
Autor:Rafael Quintía Pereira
Editorial:Grupo de Estudos Etnográficos Serpe Bichoca
Impresión:Branco e negro
Tamaño:20.5×15
355 páxinas
Ano: 2010
I.S.B.N.: 846144783-2
Deuses, Mitos e Ritos do Monte do Seixo de Rafael Quintía é un intento de interpretar e dotar dunha coherencia e cohesión todo o enxoval mítico, simbólico e relixioso que atesoura este monte, así como de encadralo nun contexto histórico-cultural concordante co substrato simbólico atopado nesta montaña, isto é, a cultura céltica do Atlántico europeo. Contémplase o libro, pois, como unha guía para coñece-lo significado que se agocha tras cada lenda e cada pedra do Monte do Seixo.
Con esta obra complétase a triloxía adicada a esta importante e descoñecida montaña sagrada da nosa xeografía galega ( Monte do Seixo. Reivindicación da Montaña Máxica e Monte do Seixo. O santuario perdido dos celtas, do compañeiro Calros Solla) e dáse por finalizado o traballo que o G.E.E. Serpe Bichoca realizou no proxecto de investigación e divulgación da Montaña Máxica.
Advertisements
