CADERNO DE CAMPO Nº10

Novo número do CADERNO DE CAMPO, o boletín informativo da SAGA,  correspondente ao último cuatrimestre do ano 2014.

Podedes consultalo tamén, ou descargalo libremente, dende a web da SAGA,  o noso blog ou dende a paltaforma ISSUU:

 http://issuu.com/cadernodecampo/docs/cadernodecampo_10_b/0

 

O DOCUMENTAL DE “MÚSICA NO CLAUSTRO”

Este verán tiven o pracer de ser convidado a dar unha charla sobre a muller e a ourivería galega dentro da programación de actividades do festival “Música no claustro”, sen lugar a dúbidas unha das propostas culturais máis interesantes e enriquecedoras das que hai no panorama galego actual. Ademais, para maior satisfacción dun servidor, puiden compartir palestra coa magnífica ourive Susi Gesto, unha muller que fai da tradición puro arte de vangarda. Agora veñen de estrear no Culturgal un documentario sobre a edición 2014 deste festival que se celebra cada ano en Tui. O meu agradecemento á organización e en especial a Samuel Diz polo enorme traballo que fai para levar adiante este marabilloso festival.

Ligazón da web do festival:

http://www.musicanoclaustro.com/

Fotografía de Tere Freiría

Deixo a continuación a ligazón do documental: Música no claustro Documental 10º edición: “Tocar madeira”

 

IMAXES DA PRESENTACIÓN DO LIBRO “PATRIMONIO INMATERIAL DE SAN MARTIÑO DE SALCEDO”

O meu agradecemento ao númeroso público asistente á presentación do meu libro “Patrimonio Inmaterial de San Martiño de Salcedo” e que tivo lugar o pasado xoves 11 de decembro na Casa das Campás, Pontevedra. Grazas tamén ao concelleiro de Patrimnonio histórico Luís Bará, polo apoio dado a este traballo, e ao antropólogo Buenaventura Aparicio Casado, sempre disposto a colaborar no que se lle pide. Por último, moitas grazas a Carlos Javier Serrado  pola reportaxe fotográfica.

 Diario de Pontevedra

 O numeroso público asistente encheu a sala da Casa das campás

O concelleiro de Patrimonio Histórico do concello de Pontevedra. Luis Bará,  abrindo o acto

Falando do patrimonio de Salcedo

Intervención do antropólogo Buenaventura Aparicio Casado

Un momento da presentación

Momento de asinar exemplares

Xunto a Luis Bará e Buenaventura Aparicio

OS MEDIOS FANSE ECO DA PRESENTACIÓN DE “PATRIMONIO INMATERIAL DE SAN MARTIÑO DE SALCEDO”

Sorprendido e agradecido pola boa acollida que tivo na prensa a publicación e presentación do meu libro “Patrimonio Inmaterial de San Martiño de Salcedo”. Tamén debo dar as grazas ao concello de Pontevedra e en especial ao concelleiro de Patriomonio Hitórico Luis Bará polo apoio a este traballo e pola rolda de prensa que organizaron onte no concello para anunciar a presentación do libro que terá lugar mañá. Semella que pouco a pouco imos collendo conciencia da importancia e valor do noso patrimonio cultural e, sobre todo, inmaterial.

Na portada do Diario de Pontevedra. 10/12/2014

Reportaxe no  Diario de Pontevedra. 10/12/2014

Faro de Vigo. 10/12/2014

PRESENTACIÓN DO LIBRO “PATRIMONIO INMATERIAL DE SAN MARTIÑO DE SALCEDO”

Este xoves 11 de decembro ása 20.30h presentaremos na Casa das Campás, Pontevedra, o meu último traballo “Patrimonio inmaterial de San Martiño de Salcedo”.

No acto, organizado polo concello de Pontevedra e a Sociedade Antropolóxica Galega, terei o pracer de estar acompañado polo concelleiro de Patrimonio Luis Bará e polo antropólogo Buenaventura Aparicio Casado.

Será un pracer poder parolar con todo aquel que teña a ben achegarse á presentación.