Monthly Archives: Abril 2013
PROXECCIÓN DO DOCUMENTAL “SETE CAMIÑOS, ENCRUCILLADA DO TEMPO”
Este xoves 25 de abril ás 20h proxectarase o documental “Sete camiños, encrucillada do tempo” dentro das “I Xornadas sobre patrimonio”. O acto terá lugar na Biblioteca Municipal de Marín. Alí estaremos os realizadores deste documental e os membros da Comisión Técnica para a creación do Espazo Natural e Arqueolóxico dos Sete Camiños para explicarlles a quen acuda ó acto este proxecto de posta en valor do noso patrimonio.
I SAÍDA NA PARROQUIA DE SALCEDO. Amigos do Monte de Salcedo.
A Comunidade de Montes de Salcedo organizou este domingo 21 de abril unha actividade cultural polo monte de San Martiño de Salcedo para coñece-la súa flora e o seu patrimonio arqueolóxico, etnográfico e cultural. Nesta “I Saída da parroquia de Salcedo”, concibida para a participación de toda a familia, visitáronse, entre outros lugares, as novas plantacións de frondosas que a comunidade puxo en marcha, os traballos de eliminación de especies invasoras e de recuperación domonte, os muíños do Outeiro (onde se fixo unha muiñada), unha traída de augas da parroquia e os petróglifos do Regato dos Buratos onde tiven o gusto de poder falarlles ós parcticipants na marcha do noso patrimonio arqueolóxico, do noso patrimonio inmaterial e da importancia de conservalos, protexelos e dalos a coñecer. Os meus parabéns para a Comunidade de Montes de Salcedo polo seu traballo serio e con vistas de futuro a prol do noso monte, do noso patrimonio e da nosa natureza.
Falándolle á xente dos petróglifos de Chan das Mouras e das lendas que atesouran
O biólogo Ramón Sineiro falando da flora e da fauna do monte de Salcedo
Área repoboada con castiñeiros
O pracer de volver pasear por un monte usurpado durante anos
Fernando Pintos, presidente da Comunidade de Montes de Salcedo, explicando os traballos de posta en valor e recuperación do monte
Aldea Afgana, campo militar de adestramento erixido sobre a mámoa de Louredo
Pasando polo campo de adestramento para guerra urbana
Camiño dos muíños do Outeiro á beira do río do Batán
Fotografías: Toño Vázquez, Rafa Quintía
Faro de Vigo
Diario de Ponteevdra