Monthly Archives: Marzo 2015
FALANDO DO ENTROIDO EN GASTEIZ. ENTREVISTA EN HALA BEDI IRRATIA
Co gallo da nosa visita a Euskadi para dar unhas conferencias na Universidad del País Vasco, en Vitoria-Gasteiz, tivemos o privilexio de poder participar no programa Tropa de Breoghan, da radio Hala Bedi Irratia, e alí ser entrevistados por Xavier Regueiro e Paulo Lema para falar dunha das celebracións máis importantes da nosa cultura: o Entroido.
De esquerda á dereita Xavier Regueiro (Hala Bedi), o compañeior da SAGA Miguel Losada, un servidor e Paulo Lema (Hala Bedi)
LIGAZÓN AO AUDIO DO PROGRAMA:
http://halabedi.org/tropadobreoghan/breoghan17.mp3
http://halabedi.eus/2015/03/29/tropa-de-breoghan-programa-17/
EXPOSICIÓN “TERRA DAS MARABILLAS”
Este é un deses proxectos que un goza facéndos porque entroncan cos aspectos antropolóxicos que a min, persoalmente, máis me interesan. Isto é: a medicina popular, a mitoloxía e ás crenzas máxico-relixiosas. Así que se vos tedes tamén teñen intereses por estes temas aquí teñen a oportunidade de achegarse a unha mostra que xira en torno a ese fascinante mundo da nosa cultura inmaterial.
Coa amiga Ana Lois e co concelleiro de Patrimonio Luis Bará na inauguración da exposición
O Centro de Interpretación das Torres Arcebispais (CITA) acolle dende o mércores 18 ata o vindeiro 29 de marzo a exposición “Terra das Marabilla” na que pretendemos amosar a través de obxectos, imaxes, textos e vídeos parte da riqueza patrimonial da parroquia de Salcedo.
A exposición “Terra das Marabillas” está dividida en 3 bloques temáticos que, á súa vez, se dividen en 9 apartados. Ambos os dous números máxicos.
A MITOLOXÍA
- Seres Míticos (escolma de mitoloxía de Salcedo)
- Animais Marabillosos (animasi máxicos, e crenzas relacionadas con eles)
A PROTECCIÓN
- Tempestatem Fugit (protección fronte aos elementos)
- Libranos do mal (amuletos, a protección da casa , da facenda e das persoas)
- O poder dos Santos. Santos que curan e Santas que protexen (a protección divina, neste caso a devoción aos santos avogosos de Salcedo: san Brais e santa Rita)
A CURACIÓN
- Augas que todo o poden (augas curativas e augas de fontes máxicas de Salcedo)
- Plantas máxicas (plantas curativas, plantas protectotas e favorecedoras da fertilidade)
- Tallar, cortar, cruzar e bendicir (armas simbólicas fronte o mal e o poder esconxurador da palabra)
- A forza do rito (representación dun rito protector, un rito curativo e un rito esconxurador dos múltiples que se fan en Salcedo)
Na exposición poderedes ver máis de 200 obxectos divididos en sete vitrinas que forman parte da miña colección particular ademais dos exvotos de San Brais cedidios por Ana Lois e unha magnífica campá e bronce cedida polos compañeiros Xosé Feijóo e Rosalía Rodríguez. Tamén se poden ver todos os vídeos que conforman o documental ‘Terra das Marabillas’ que se presentou ao público o pasado domingo 15 de marzo no Teatro Principal.
Se queredes visitar esta exposición aquí tendes os horarios:
- Xoves 19 e 26, mércores 25: de 11.00 a 14.00 e de 18.00 a 21.00 horas
- Venres 20 e domingos 22 e 29: de 11.00 a 14.00 horas
- Sábados 21 e 28, venres 27: de 18.00 a 21.00 horas
- Luns 23 e martes 24: pechado.
TEXTO INTRODUCTORIO DA EXPOSICIÓN
A exposición Terra das Marabillas nace ao abeiro do traballo audiovisual “Terra das Marabillas”, no que a xornalista Ana Lois recolle o mundo máxico e mitolóxico da parroquia de Salcedo. Un documental que, á súa vez, complementa en imaxes a monografía “Patrimonio inmaterial de San Martiño de Salcedo. Lendas, historias e crenzas” do antropólogo Rafael Quintía, que tamén colabora neste audiovisual. Esta exposición é, xa que logo, o intento de amosar, a través dunha escolma de obxectos, de imaxes e de textos, unha parte dese valioso patrimonio inmaterial que atesoura a parroquia de Salcedo. Neste caso, a parte máis vencellada ao mundo das crenzas, do mítico e do máxico da nosa cultura.
Comisario: Rafael Quintía
Textos: Rafael Quintía
Debuxos: Francisco Sutil, Miriam Quintía e Olalla D. Boo
Fotografías: Ana Lois
Obxectos: colección particular de Rafael Quintía. Exvotos cedidos por Ana Lois. Campá cedida por Xosé Feijóo e Rosalía Rodríguez.
Coordinadora do proxecto “Terra das marabillas”: Ana Lois
Fotografías cortesía de Carlos Javier Serrano.
VISITA GUIADA:
O sábado 21 de marzo, ás 12 h., farei unha visita comentada á exposición Terra de marabillas.
RUMBO A “ATLÁNTICA. FESTIVAL INTERNACIONAL DE NARRACIÓN ORAL”
O día 19 de marzo a partir das 19h terei o pracer de participar nesta edición de “Atlántica. Festival internacional de narración oral” no acto de homenaxe á web “Galicia encantada”. Un luxo compartir mesa cos amigos Antonio Reigosa e Avelino González e, por suposto, co resto de contertulios. Coido que un evento que non vos deberiades perder todos aqueles emanorados do noso patrimonio inmaterial.
ACTUALIZACIÓN DO POST: IMAXES DO FESTIVAL ATLÁNTICA
Un grande pracer poder participar onte no Festival Atlántica, compartir relatos co público e con grandes da narración como Soledad Felloza, Charo Pita, Ángeles Goás Amado, Xacobe de Pavís Pavós e Avelino Gonzalez e, como non, ter a oportunidade de homenaxear a Antonio Reigosa e o seu magnífico proxecto de Galicia Encantada.
De esquerda a dereita Charo Pita, Ángeles Goás, rafa Quintía, Antonio Reigosa, Soledad Felloza, Xacobe de Pavís Pavós e Avelino Gonzalez
Un servidor
Intervención de Ángeles Goás
Intervención de Xacobe de Pavís Pavós
Intervención de Charo Pita
Intervención de Avelino González
Soledad Felloza homenaxea a Galicia Encatada e ao seu creador Antonio Reigosa
Fotografías cortesía de Festival Atlántica.
PRESENTACIÓN DO LIBRO “GALICIA ENCANTADA. A TERRA DAS MIL E UNHA MARABILLAS”
Este martes 17 estaremos acompañando ao amigo Antonio Reigosa na presentación do libro “Galicia Encantada. A terra das mil e unha marabillas” no que tiven o gusto de colaborar. Un acto para non perderse.
O ATENEO DE PONTEVEDRA
e EDICIÓNS XERAIS DE GALICIA
comprácense en convidalo/a á presentación do libro:
Galicia Encantada
O país das mil e unha fantasías
Edición de Antonio Reigosa
O acto, que contará coa participación de Poldo Cañizo Durán,
Rafael Quintia, Calros Solla, Manuel Bragado
e Antonio Reigosa, terá lugar o martes, 17 de marzo, ás 20:00 horas,
no Salón de Actos d’ A Casa das Campás,
rúa Don Filiberto, 9-11 (a carón do Teatro Principal) en Pontevedra.
Foto do acto, cortesía de Anxo González Guerra
De esquerda á dereita: Poldo Cañizo, Antonio Reigosa, Rafa Quintía e Manuel Bragado.